股票選擇與股票期權選擇 (二)

上回提到買股票的選擇分收息股同成長股, 買呢兩種類型的股票, 心態上係完全唔同嘅, 但對唔同人, 同一個時間對同一隻股票, 又或者係同一個人在不同時間對待同一隻股票都可以係唔同類型....以前的中移動同依家隻中移動就係一個好例子.

不過, 今次有錢人唔係想講股票, 而係想講股票期權的選擇:

有錢人認為, 股票期權有兩種睇法,

第一種係為左幫自己嘅錢賺多少少"外快"的心態; 如果我地手上有股票在手, 又或者有現金在手想買股票, 其實係可以利用股票期權 "幫"我地輕鬆地賺多少少外快 ~~ "自製accumulator及自製decumulator" 就係呢個心態; 能夠正確地運用的話, 每年可以幫大家增加幾個%的回報

以這種心態做股票期權, 其實係可以一個月做完一次買賣之後, 大可以去放假遊埠, 直到月尾先睇下有無跟進, 如果唔到價就期權袋袋平安, 如果到價就買貨or賣貨; 基本上唔洗點做功課, 只要做現價有15%-20%價外的sc or sp, 有90%以上就是安全收錢;

第二種: 如果你係想有更高回報, 但又唔介意較高風險的話, 投機於股票期權也是一種選擇, 但是大家要有心理準備, 短期而言這是一種高風險活動 (雖然我認為以長時間的操作來看是低風險), 只要大家做足功課, 設定好操作系統並嚴格進行系統工作, 平均一年20%以上的回報絕對可行, 但短期而言是可以蝕足幾十%本金, 所以只可以在有多餘錢的條件下方可以進行 ~~~

玩這個遊戲 (第二種)的朋友, 其實, 一來是需要大量心力去計算同做功課, 二來是好想去用成績去證明自己的實力; 但一戰功成萬骨骷, 期權本身是一個零和遊戲(但要比手續費喎); 如果比你選擇, 長期而言在賭場之內, 你會做莊 (short)? 還是做閒 (long)?

我們要認識大戶/ 大市會如何做對沖; 如何做buffer, 才可以在這個遊戲中游刃有餘, 是需要時間學習的. 耐性, 決心, 敢氣, 慧根 ~~~ 決一不可!! (這也是為何很多人在這個遊戲中閣淺)