找最適合你的投資 - 穩賺的投資 (一)

今次, 有錢人想講下點樣搵最合適自己的投資.

首先在市場上有很多不同種類的投資 , 而我地一般人會識的有三種:
1) 股票
2) 物業
3) 做生意

三種投資都有人做, 三種投資都有人做得好成功, 但同時, 都有人好失敗, 有錢人唔係想講人地點降成功或者失敗, 因為原因實在有好多, 但有錢人就認為, 要投資有回報 - 穩賺係最緊要嘅: 賺得少唔緊要, 少~ 都係賺, 最緊要係年年月月日日都賺. 而且, 最好仲要係令到投資自己識得去賺, 唔洗你操勞方是上上之選.

可能你會話: "講就講得輕鬆好聽, 但世界上邊有免費午餐?" 有錢人絕對明白, 我都無講過上天會日日跌錢比我地洗嫁. 但要做到令自己嘅投資自己幫自己賺錢, 就一定可以, 而付出嘅, 就係大家嘅時間同耐性:

愛因斯坦講過: "複利增長是宇宙間最強大的力量"; 呢句說話常常都被套用在投資學上. 這是對所有人來說都是鐵一般的事實. 只要時間夠長, 那怕每次都只是少得可憐的正回報, 加總起上來就是極大的正回報:

假如, 今天你的投資, 每年投資回報是10%,20年後就有6.7倍;30年後就有17.5倍;40年後就有45倍

你會發現, 時間越長, 複利的威力就越大, 所以, 儲蓄及投資, 就是越早做越好, 如果你係25歲, 有錢人建議你即刻去整返個月供2800 (盈富基金), 咁到你有得50歲時, 如果你唔係好大洗, 應該都夠你生活嫁咯.

或者, 如果你已經有幾十萬在手, 可以選擇買樓收租, 其意義同月供股票係一樣嘅, 唔同之處就係, 雖然一開始你要比的錢係多, 但同時你卻可以有租客幫你供款.

 如果你看的是長期, 無論你買的是股票, 又或是物業收租, 短期的價格升跌對你影響其實好微. 原因是你看重的是股票帶給你的股息收入, 又或是物業帶給你的租金收入; 卻不是賣出後的價錢. 你看到兩者的分別嗎?