找最適合你的投資 - 穩賺的投資 (二)

有錢人喜歡用例子, 作故仔: (這個例子經常都用)

假如你好鍾食漢堡包, 日日都會食, 你會想漢堡包嘅價錢日日都升定係日日都跌呢?
如果你識得答呢個小學生都識答嘅問題, 咁你就應該會明白我的上篇 講緊乜喇


舉多個有關股票嘅例子:
如果有一隻股票, 你買佢時$10, 而佢派息$1, 一年之後, 呢隻股票股價跌左10% (即是$9), 但派息依然係$1, 你感覺如何? 如果, 再一年, 股價又跌多10% (即是$8.1), 但派息依然係$1, 你又會點做? 如是者, 呢隻股票跌足十年, 股價只剩下$3.5, 但派息依然係$1. 你又點睇??

有錢人只會越來越愛呢隻股票:
第一年息率係10% ($1/$10), 之後十年因股價下跌但派息不變, 即是息率連年增加, 到第十年增至29%!!! 如果係你, 你會中途加碼? 定還是 "止蝕"離場? 如果你係短線投機, 出現上述情況, 必定止蝕離場, 因為 "價格"對你來說就是一切, 然而, 當你睇嘅係長線, 我包你都會中途加碼, 而且越跌越買; 呢個就係 Warren Baffett 經常講嘅事情 -- 越跌越買. ( 當然, 唔係乜都可以越跌越買嫁吓)

舉多個有關物業收租嘅例子:

如果你買層100萬樓返來收租, 放租每個月收$5,000, 即一年$60,000; 如果你買左層樓之後, 樓價應聲下跌20% (即是跌到80萬), 咁你會即是賣走佢"止蝕"? 定繼續放租? 如果你有多80萬, 你會買多層收租嗎?

以上兩個例子都有同一個論調:
1. 我們參與投資, 一定要從長期角度出發;
2. 時間同耐性會影響我們對一項投資的 "喜好" 及決定;

另外, 上述例子沒提及, 隱藏了的是現金流問題,
1) 投入的資金沒有被提走的必要, 否則我們有可能"被迫止蝕"; 此之所以, 很多人都提醒大家不要借貸投資, 其實, 這是有所偏頗的, (睇舊文: 加按、槓桿、風險 (一) 會有更多了解我會點處理);
2) 每個月都要有正現金流, 即是你用錢幫你搵錢;