加按 201102

最近, 有錢人去了銀行進行了加按行動 (加按、槓桿、風險 (一) ), ,本來可以最多拎到差唔多90萬出來, 但我沒有把槓桿拉到最大, 只是加按到拎多50幾萬出來, 另外, 為了降低現金流風險(加息), 我亦把還款年期拉長了, 在加按完成了之後, 我每個月還款情況將有所改變了:

加按前:
一層做緊 h+0.65%, 每月還4千左右; 一層做緊 h+0.7%, 每月還6千幾;


加按後:
一層做緊 h+0.65%, 每月還4千左右 ; 另一層就分兩部份, 原按plan沒改變, 加按部份個plan相比起就貴左少少了, 係h+1.5%, 但因為全部款項都拉長年期, 所以每個月反而只係還5千幾, 仲少左!

或者你會問, 加按部份係h+1.5%, 利息貴左成倍喎... 其實, 仲唔止添嫁, 因為個high-cap只係 p-1, 一般樓按都有p-2.7甚至更低息啦, 點解仲要留在同一間銀行, 唔轉另一間銀行呢? 理由是, 容易借同手續費較少, 計完之後都是現有的銀行較抵, 所以不走了.

加按後的錢可以點洗? 緊係拎去環遊世界啦 ~~~ 發夢的時候 ~~~ (遲下再談)