借貸消費 - 窮人的陷阱

近來, 銀行以及財務機構的水浸情況應該又嚴重了, 因為有錢人早排確實收少了叫我借錢的電話, 又每日一次變左隔日一次, 甚至隔幾日先一次, 但呢排又變返隔三兩日一次, 雖然有可能係之前大時大節,就緊係比其他大廣告商做左生意先啦, 之但係, 電視/ 電台/ roadshow/ mtr/ 巴士站頭的借錢廣告又確實多.


然而, 我們生活上所睇到的所有借貸廣告, 都是誤導我們錯用借貸, 不當地消費. 好似最近有一個"邀請"年青人借錢的廣告, 裡面個個大大聲唱 "衣食住行 都係消費", 然後就叫你"低息" 借錢消費. 人地靠貸款做生意絕對無錯, 錯就錯在呢類廣告把借貸的作用放在不當的地方 (對佢地就緊係最有利啦, 因為對佢地嘅"目標"人位嘛)

除了借錢買樓自住之外, 一般我是十分反對借錢"燒費", 我自己是過來人 (有興趣可以睇返我個"前傳"), 明白無錢洗的感覺是多麼難受, 但搵埋唔夠還的感覺就更加痛苦. 睇書是吸收他人生活經驗的最好方法, 無論你看富爸爸窮爸爸, 七年賺千五萬, 費雪創富論, 滾雪球, 林森池的著作, 又或是所有富人傳記, 都可以學得到幾樣好實用的事: 只洗你應洗的錢, 適當把花費分類, 聰明地儲蓄及投資;

已經有欠債的, 首先要明白為何自己有欠款? 解唔開這個結, 就永遠都只是無休止地結上結, 無錯, "衣食住行都係消費", 但"量入為出年年有餘"就更加緊要. 如果自己沒有足夠定力做到"量入為出年年有餘"? 我有幾個建議幫助:

1)每個月都要比晒所有還卡數/ 還借貸的紀錄給父母過目, 讓他們知道但絕不要他們的任何幫忙, 可知道面對問題的最好方法就是自己勇敢地把它公開, 尤其是對你最親的人 -這是最有效的方法;

2) 每個月定額儲蓄, 必定要把儲蓄的金額放第一位, 即是無得"衣食住行"都要儲蓄 ~ 想這個方法行得通? 找你的父母, 又或是開一個無提款卡的戶口, or 做一個月供股票 (我建議指數基金2800盈富最穩健)的指令 (要用戶口過數, 這樣就真係可以個個月有錢淨

3) 把目標寫出來, 大大隻字貼在床頭/ 檯頭, 日對夜對: 曾經我都是一個一星期wet左6日的人,曾經我都以為自己不可能改變"去玩"的興趣, 但,當你有夢想 ~ 唔係白日夢的夢想, 是確確實寫出來的目標時, 你自自然然會有改變. 要越清析簡越好, 例如: "我要一年之內還清10萬卡數, 再加儲到1萬元", "一年內唔買Prada, LV, 只買GIODANO, BOSSINI, 唔用SK2神仙水,  只用VASELINE"
(最好有期限、價錢、行動)


4) 不再借貸"燒廢", 全部比CASH, 卡數個個月清還, 頭幾個月仲要係自己拎錢去錢行比, 因為真金白銀又要用時間排隊比錢, 咁先可以令你更肉赤, 知道洗錢容易搵錢難.

因為我當年夠決心, 未用晒上述招數就已經處理好欠債, 希望大家不要跌入這個窮人的陷阱, 又已經跌左入去的, 就要盡你十萬九千隻牛的奶力都要爬返出來, 富由心生, 窮亦更由心生. 共勉之!