有錢人之所有廣告收入, 將全數捐予慈善團體

2010年12月23日

成為真正有錢人的條件

有錢人有一個習慣, 就係每一日都會拎幾分鐘至十零分鐘時間比自己, 戇居居咁坐喺度無嘢做, 反思自己過往一日或幾日所做的一切 ~~ 無論對人, 對事, 行為, 反應等等 ~~ 有沒有可以改善之處, 又或是將自己投入為對方/ 或是第三者睇返自己. 有啲人會稱之為 "戇鳩鳩", 有啲人稱之為"反思", 古代則稱之為 "三省吾身".

在成為 "有錢人之路"上, 不斷對自己的行為思想反省, 其實是一種自我成長的方法, 也是一個人成長的最快方法. 就如我家囝囝一樣, 當我見到囝囝學行跌低, 然後自己爬起身再行, 其實每一次佢都喺度自我反省緊, 最後就係會行會走會跑會跳; 所以, 雖說個仔只有一歲多, 但基本上有錢人係唔會因為個仔普普通通咁跌低而急急腳咁"飛去救佢" (有錢人老婆係會嫁吓, "慈母"係女仕的天性).
 
人生路上又何常不是一樣, 跌跌踫踫在所難免, 然而, 我們又有沒有大大方方地承認跌倒, 然後勇敢地爬起來? 就好似小朋友一樣, 每次去到遊樂場, 見到好多小朋友追逐, 經常都會有絆倒、仆倒、撞倒..... 通常佢地都會以最高速度起身再玩再走過, 如有關切嘅媽媽嫲嫲走埋去問佢有無事, 叫佢抖抖, 除非真係跌得大大獲, 例如流晒血呀、撞傷左呀, 否則個小朋友一定唔制加埋"fing"開佢地對手, 然後繼續狂奔.
 
喺投資生涯嘅呢幾年裡面, 有錢人都不停尋找自己最有興趣, 又最有利嘅方式選股; 因為有錢人係一個好勤力嘅懶人, 一方面, 我好喜歡用不同方法去研究一間公司好壞, 另一方面我又好唔鍾意下下要計十萬九千條數, 所以, 我不斷發明不同方法去幫助自己選股, 甚至用上自己設計嘅database去做價格、回報分析添.
 
我唔可以講呢啲做法係變成富豪的神藥, 但係, 當中嘅 "反省" 同"行動" 就一定係成為有錢人的條件. 好多散戶嘅投資成績唔好, 全部都係因為佢地從未好好 "反省"自己嘅投資行為以及投資模式, 又或是無作出適當的"行動"去增加投資安全性以至回報率.

投資要有好回報, 平均每年10%-15%好唔好? 呢個係有錢人嘅目標, 原因好簡, 做到呢個目標, 等於資金每5-7年翻一翻, 有錢人定庭儲蓄為每年約廿萬, 咁講, 最快15年, 最遲20年就達到有1000萬能夠自己搵錢嘅資產呢個既定"退休目標".

過往十年, 只要月供, or 在每年年頭買一次 2800盈富基金都已經有10%以上回報喇, 難嗎? 不難!!

2 則留言:

  1. 謝謝您的文章真的令我想起從前的點滴!想當年我的經歷像您一樣••••••••••時間和努力我們都成了有錢人。今天五百多萬的組合像已走上快車路•••••••明年一百萬的增長目標不難成功••••••••••朋友••••••••••••成功己在前!請再努力堅持財務自由的路在前•••••••35歲的有錢人上。

    回覆刪除
  2. To Calvin, 好多謝你嘅鼓勵, 大家都為自己的"有錢人之路"努力吧!

    回覆刪除