有錢人期權倉 - 2013年05月份建倉

回顧2013/04 最後戰績:

有錢人發現, 以月結單的 "Balance B/F" 因為包含住未來月份或是未到期之期權金, 所以好容令自己唔知自己實際戰績如何. 為避免有此混亂, 以後有錢人只會記錄資產淨值, 咁就直接而簡單.
以4月頭的淨值約 $43萬, 月尾約 $44 萬,  (同有錢人之路的計算有少許差異, 嗰度是ROUND-DOWN, 呢度就4捨5入去到"萬"位)
但總括來講, 因為股價係慢慢上升格局, 所以全部期權合約都安全上壘, 權金袋袋平安

做個有錢人之路~ 2013/05/01

今天是2013/05/01, 距離"起步" (2010/04) 已過了36個月, 又是時候回顧我的"有錢人之路"了. 我的財務現況: 

中移動之移動城堡

原來, 有錢人上次提及中移動(2012/03/25)已經係3月的事了, 之後3月尾有錢人就有些 $82.5 的SP合約"被屈"入貨, 雖然我本身都覺得$82.5底買的了, 但當時市價剛剛好企在 $82.5都被行使了, 自覺一定是大行的程式所為, 所以有點"被屈"的感覺而已...

你就是品牌 ~ 陳文敏

這是一本講及一個人如何向上流的書本, 年青人尤其啱睇, 觀乎全書, 主要講及一個人要有大志, 要主動, 要肯用腦諗嘢, 要有親和力. 

扎鐵工人與碼頭工人

執筆之時, 葵涌貨櫃碼頭工潮還未結束, 勞資雙方在政府的"努力斡旋下", 仍只是在願意坐下來談判的地步, 至今仍沒有半點達成協議的眉目. 有錢人都有留意此新聞, 然而, 我往往在想有關此新聞的, 卻不是對對錯錯, 加薪與否的問題, 而是"供求", "價格", "價值"的問題, 而我更聯想到當年 (好似是2007年的事情吧), 地盤的扎鐵工人罷工事件.

合理的現金水平

有錢人上年賣了樓, 依家現金存款加埋股票同期權戶口的資金, 加加埋埋可動用到接近$220萬資金, 如果全數買晒 盈富基金 (2800), 可以買到10萬股, 如果以2012年來講, 全年每股派 $0.68, 即是一年現金股息 $68,000; 但如果有乜風吹草動, 打仗溫疫, 股價暴跌幾成, 就算我唔等錢洗, 都心中有鬼, 死望爛望佢返家鄉.

有錢人期權倉 - 2013年04月份建倉

近月真係忙, 忙到唔記得記錄自己的期權倉情況:

回顧2013/03 最後戰績:

月結單結餘:
月頭: 約 $46萬; 月尾: 約 $48萬

權金總收益: $2萬, 當中有約$1萬是未來月份, 所以實際淨值應該約 $47萬, 但月尾調動了些錢, 所以4月只剩下若 $44萬

回看三月, 感到有點波動味道, 所以寧可減少了期金的收入都不要氾險;

結算日中移動被人企在 $82.5, 竟然都被人行使了, 除了是莊家所為, 真的不知道是誰呢?

失敗是一種心態,不是一個現實

由細到大, 大家有沒有試過失敗? 當遇到自己真正覺得失敗的時候, 你會用甚麼樣的心情去面對?

愛迪生 (Thomas A. Edison)在發明電燈的過程, 曾失敗了一萬多次 , 他的朋友對他對說: "你己經失敗了一萬多次了, 還要再試嗎?"

他說, " I have not failed. I've just found 10,000 ways that won't work." (我沒失敗, 我只是成功地找到一萬條不成功的方法"

做個有錢人之路~ 2013/04/01

今天是2013/04/01, 距離"起步" (2010/04) 已過了35個月, 又是時候回顧我的"有錢人之路"了. 我的財務現況: 

回應網友 - pokson (as at 2013/03/31)

首先, 多謝 Pokson咁比面願意參考我的建議, 由於篇幅頗長, 所以決定開新文回應, 以便大家閱覽, 也方便有錢人自己作記錄.....

= = = = = = = = = = = = = 

(http://poorhaves.blogspot.hk/2013/03/blog-post_25.html#comment-form)

處之泰然

近日股市甚為波動, 有錢人的股票及股票期權當然也一天上升, 一天下跌, 但是, 在這個月裡, 有錢人也只是每天都看著世界大事, 經濟大事的此起彼落, 也天天看著股價升跌, 就好似去睇戲一般, 但卻完全沒有任何動作.

買樓自住的危機

好多時李+x出席甚麼活動, 都會被記者問及點睇樓市, 李生都會講一句: "買樓自住幾時都啱, 最緊要量力而為", 甚麼是買樓自樓? 甚麼是量力而為? 這兩句說話本身已經係仁者見仁, 智者見智的事, 如果這兩句說話出在我口你口就緊係無乜力量啦, 但它是由香港首富地產商加全港捐錢最多的李+x先生講出口, 咁就大有意思了.

真的沒機會嗎?

看到一篇新聞有關 "向上流"的機會調查
(http://www.am730.com.hk/article.php?article=144915&d=1989)

又是說甚麼甚麼年輕人覺得向上流機會減少, 甚麼高學歷也無乜用云云.

有錢人做的善事

好多成功的人, 佢地好多時出書都會在最後部份講到, 自己在成功的同時, 除了錢, 還會做不少善事, 雖然在他們的商業行為上, 他們的行動很多時都不被他人所接受, 就好似李+x的長江, 近年來賣樓手法層出不窮, 招式勁過武合小說的武功, 由馬鞍山的"路邊平台層", 到近期的葵涌的分拆酒店項目, 在在顯示出佢老人家手底下的人是如何的精明, 如何可以賺取無限資金. 政府官員不為財不為名, 如何有能與其交鋒?! 所以, 我從來對長江的"新產品"不會提起任何興趣.

有錢人期權倉 - 2013年03月份建倉

回顧2013/02 最後戰績:

月結單結餘:
月頭: 約 $40萬; 月尾: 約 $44萬

權金總收益: $4萬, 當中有約$2萬是未來月份, 所以實際淨值應該約 $42萬

基本上, 成個二月都係農曆新年的氣氛, 也沒有甚麼造成大起大跌的理由, 所以都係平平安安, 穩穩陣陣收權金.

然而, 結算日中移動被人硬生生拉低至 $85.0 樓下的 $84.95, 直接把已在口的 $85.0 SP 權金強迫回吐....少了千幾元"收入"

做個有錢人之路~ 2013/03/01

今天是2013/03/01, 距離"起步" (2010/04) 已過了34個月, 又是時候回顧我的"有錢人之路"了. 我的財務現況: 

《大學》的財富智慧

《大學》是儒家的《四書》中的其中一本, 根據維基的內容所講:

《大學》的哲學思想主要是在於傳授做人做事最根本的道理。全書融合了倫理、哲學、政治為一體，闡述個人修養與社會政治的關係。


其中有一章的內容與我們理財、生財有莫大關係:

風險管理 2013

有錢人在差不多整個農曆新年都無去拜年, 大部份時間都庫閒在家, 打機最多, 陪屋企人及小朋友玩就次之, 看書/上網也更少. 有錢人一向好少打機, 但近日開始沾上了手機遊戲, 更被有錢太太鬧過我幾次叫我唔好打機去湊仔, 話我有時間都唔陪小朋友,只掛住自己打機喎.

在新年的時候, 跟幾位做purchaser/ trading/ manufacturer的朋友見面時傾計, 佢地都不約而同地看淡今年的生意 ~~ 大家看著, 是生意啊, 不是甚麼樓價, 股價, 資產物業價格之類, 因為他們的公司分別做歐美, 大陸, 及亞洲地區的不同生意, 貿易往來. 從他們的經驗以至訂單數量/ 金額, 大家都感到隱憂.

HP大中華區總裁 / 孫振耀 退休感言

之前不知在那裡看過一篇文章, 是HP大中華區總裁孫振耀的退休感言, 現紀錄 (轉載)如下:

(看完, 就好似跟孫先生走完一段管理人生的路 ~~ 必看推荐!!!)

= = = = = = = = = = = = = = = = = = = = = = =

有錢人期權倉 - 2013年02月份建倉

回顧2013/01 最後戰績:

月結單結餘:
月頭: 約 $40萬; 月尾: 約 $40萬

權金總收益: $4萬, 當中有$3萬幾是未來月份, 所以實際淨值應該約 $37萬

即是同上個月(2013/01)頭無乜分別, 2013年01月份大約打和.

做個有錢人之路~ 2013/02/01

今天是2013/02/01, 距離"起步" (2010/04) 已過了33個月, 又是時候回顧我的"有錢人之路"了. 我的財務現況: 

自己決定命運

英雄造時勢, 時勢造英雄

一個人的性格及習慣是很難改變的, 除非是一個人面對了生命中的極大突變, 令其生活習慣不得不改變, 又或是受到極大的衝擊...例如, 身邊至親離世, 自己面對生命威脅等等. 然而, 大部份人都沒有這個"福份", 或是沒有這個感知慧根去感受到自己應該作出改變.

投機的人投機的事

今個月, 941 中移動比券商降低目標價, 促使其股價由月頭的 $90水平, 跳落依家嘅 $84水平, 最低被殺到去 $83.5水平...

有錢人的1月份期權倉組合, 當中有兩組 ~ 分別係 $87.5 SP 及 $85.0 SP, 本來就係為貪心而做的, 所以也不幸被打把了....因為跌勢好急, 前後損失了比預期嚴重, 如果今個月剩下幾日都係維持 $82.5以上, 今個都仲有幾千銀袋, 否則, 連 $82.5 SP都打埋把, 今個月就要負數了.

想做有錢人? 支出少於收入一半吧!

由於工作最忙碌的時間剛剛過去了, 最近有錢人多了少許時間可以為自己的智慧成長工作, 即是睇多啲書, 睇多啲BLOG, 體驗多啲生活, 與更多的人交流, 這也是有錢人的工作的其中一大項目. 如果有錢人不前進, 我所管理的部門以至公司也很難有大進, 在不進則退的原則下, 下屬們的收入以至生活也不會有進步, 循環返過來, 有錢人也只會等炒魷吧.

大部份人都是窮人, 只有少數人是有錢人, 皆因窮人明知不進則退, 但會比自己無限個理由不進, 例如閱讀, 十之八九唔睇書的人都會同人講自己好忙, 工作好忙, 生活好忙, 每日又要點點點, 又要乜乜叉叉, 總之就係忙到有心無力去睇書啦... 有錢人講: " 廢話!! 咁攰唔好上FACEBOOK啦, 唔好打手機啦?!"

轉載: 施永青: 脫貧由己，而由劫富乎？

轉載自: http://www.am730.com.hk/article.php?article=138682&d=1944

C觀點 - 施永青: 脫貧由己，而由劫富乎？  

【am730專欄】孔子說：「為仁由己，而由人乎哉？」意思是說：「人要履行仁義道德，只能憑自己的行為去做，難道可以靠其他人嗎？」，這種精神亦適用在脫貧問題上。人要真正脫離貧窮的境況，只能憑自己的努力，而非單憑其他人的援助。

誠信重要嗎?

誠信重要嗎? 我想大家都會答 "重要", 但是大家又有否想過這與成功之間的關係嗎?

給孩子的信 (八) ~~ 2013/01/01

親愛的孩子們:

今天是2013年的第一天, 新的一年是新的開始, 希望你們今年健康快樂地成長.

不知不覺又已是半年了, 這些日子以來, 每一天都好似很快地流走, 大體上, 我們每一天都是健康愉快地渡過, 這已經是我最大的希望.

656 復星國際 基礎分析(三)

程序五: 公司財務分析 (參考投資股市做功課 (六))

 

656 復星國際 基礎分析(二)

程序二 :  (http://www.fosun.com/)
                如果要"LUN"晒佢嘅業務內容, 可以講三日三夜都"LUN"唔晒...但要睇佢嘅前境, 就一定要"LUN", 當日有錢人都係咁做.

 (參考投資股市做功課 (三) )

656 復星國際 基礎分析(一)

一再從申: 有錢人係 "有錢就身痕友"一名.

所以近期又再買入返一隻曾為有錢人賺過下錢的656 復星國際, 今次係事後孔明再寫返基礎分析, 但可以咁講, 分析656復星同分析長江1號同樣困難, 因為佢都係一間綜合企業, 同樣件件都鬼死咁複集....所以有錢人只可以講, 只要信, 不要問.....

控制金錢的能力

在 "資產配致 2013 ~~ 計劃2 (行動) "提到, 有錢人把放租樓賣了, 前後手頭上共有200萬流動資金, 有錢人係一個"有錢就身痕"的人, 經常都會心癢癢, 要搵啲嘢做, 搵啲地方"洗"左啲錢去, 真係要風吹雞蛋殼, 財散人安樂...

有人說, 當你有"能力"賺到一百萬, 而又有"能力"控制到呢一百萬, 你就可以有能力賺到一千萬; 又當你得到那一千萬又控制得到它, 那就是時候要邁向搵一億的能力.

我們的雪球啊

Warren Buffett ~ Life is like a snowball. The important thing is finding wet snow and a really long hill.
                            人生就像雪球. 重要的是要找到濕的雪和夠長的山坡.

有錢人期權倉 - 2013年01月份建倉

由今個月開始, 有錢人每個月都會回顧上一個月的戰績, 以作紀錄.
回顧2012/12 最後戰績:

月結單結餘:
月頭: 約 $36萬; 月尾: 約 $40萬

權金總收益: $6萬, 當中有$4萬幾是未來月份, 所以實際淨值應該約 $37萬

即是多左萬餘元

= = = = = = = = = = = = = =

做個有錢人之路~ 2013/01/01

雖然上個月尾已經做左年結, 但今個月 (2012/12)都要做下月結紀錄下:


今天是2013/01/01, 距離"起步" (2010/04) 已過了32個月, 又是時候回顧我的"有錢人之路"了. 我的財務現況:

資產配致 2013 ~~ 計劃2 (行動)

今天是2013/01/01, 一年之計在於春. 其實, 應該未到春天就做好計劃, 到春天就已經實行緊, 而我在資產配致 2013 ~~ 計劃1 (目標) 中所提及的計劃都在行動.

女人投資的巴別塔

有錢人很喜歡跟朋友 傾計, 無論是投資股票, 期權, 物業, 以至投資自己的時間, 人生, 健康, 下一代, 男人女人之事, 我都喜歡談, 也喜歡聽人講自己的故事. 在傾聽他人訴說自己的成功/ 失敗/ 心路歷程, 以至思想路徑, 思考方法, 我可以從中去了解每個人自己的"巴別塔".

做個有錢人之路~ 2012年結

時到年尾, 有錢人近日重溫今年的投資表現, 以及回顧當中得著,
先回看: 2011年結 :

先總括一下今年的行動及改變:

330 思捷做老千?! 唉

雖然, 有錢人在2011年第三季已經把330思捷打鈀 (2011/09/16 令人失望又憤怒的思捷 - 打鈀!!), 但有錢人一直有留意思捷, 始終它也曾做過股市奇葩. 然而, 它一次又一次令人失望...

今次衰甚麼? 思捷好似做了老千一樣囉...

貪字得個貧第三集...買貨跌錢....PAY FOR LESSON

2012/06/03 貪字得個貧第二集 講的是有錢人如何做錯, 違反自己的期權原則, 今次, 有錢人唔係想講因為貪心而做多了甚麼, 而係因為"懶惰"而沒有做甚麼招至損失.... 又一次WTF!!!!

買ETF即係買左乜

有錢人經常推介, 如果唔係股市專家, 就最好買ETF(香港ETF ), 咁其實買左ETF即係買左乜? 有幾多人可以講得出? 如果更加具體地描述得到呢? 有錢就做了以下的計算, 以方便自己知道, 原來我買入了的ETF就大概等於買入了些甚麼股票:

商界裸奔︰理查德‧布蘭森與他的維珍之旅

有錢人喜歡 Richard Branson, 佢喜歡打破界線 (break the rules), 喜歡自由 (也喜歡給人自由), 喜歡狂野 (佢有幾狂, 可以上網search一下就知!!!), 但他創立的公司, 卻是全世界最成功的綜合公司之一, 真係乜Q都做, 但又比佢做到, 你真係吹佢唔脹, 又羨慕又妒忌. 在這個能力的人, 有錢人就只可以想到李+X似, 不過, 李+x同佢係倆個好唔同的人, 你睇個樣就知啦. 哈哈.

地產真的是霸權嗎?

"地產霸權"呢個名字其實大概始於2005年, 由潘慧嫻女仕寫成的 "land and the ruling class in hong kong", 之後大概2010年被翻譯成中文, 就係咁, "地產霸權"就成為在香港家傳戶曉對香港大地產商的一個統稱.

二十幾歲決定男人的一生 ~~ 砍柴人

好耐無寫閱讀報告....唔係無睇書, 而係一路睇一路睇都無乜記錄, 有錢人盡量趁有空檔寫返近期睇過我好書同大家分享.

呢本書名 "廿幾歲決定男人的一生"其實男人女人都啱睇, 佢係一本勵志書, 仲係叫你盡早發奮的勵志書, 雖然書中成日都講廿幾歲仔女就要努力, 否則到你三四十歲就想努力都唔可能, 但有錢人覺得, 無論你幾多歲都一定要努力為自己的未來而打拼!!!

資產配致 2013 ~~ 計劃1 (目標)

放租樓賣了, 所有錢已經全部到位入埋數了, 銀行戶口突然多左個零, 感覺有點唔慣. 有錢人的命格係有錢身痕格, 絕對唔可以有錢喺身, 所以呢排都係咁 "WINDOW SHOPPING", 睇下有乜好玩又安全, 搵定目標就計數, 希望重新做好資產配致, 為未來一年的目標及成績做準備.

因為有錢人無乜不動產, 只得一層自住樓, 所以全部計劃都集中在流動資產上.

小小的交易費用會令你由贏變輸

承接早前提過有關有錢人的老闆整個戶口比有錢人玩, 跟手老闆介紹了幾個銀行, 證券行的"老友"比有錢人認識.

有錢人期權倉 - 2012年12月份建倉

踏入12月份, 紀錄建倉情況:

0057 震雄集團 基礎分析(三)

程序五: 公司財務分析 (參考投資股市做功課 (六))

0057 震雄集團 基礎分析(二)

程序二 : 搵左喇, 否則邊有個分析呢? 有錢人足足睇左十年有多 (http://www.chenhsong.com/TC/about_report.aspx)
 (參考投資股市做功課 (三) )

0057 震雄集團 基礎分析(一)

有錢人最鍾意肯派息的公司, 也喜歡我睇得明業務的公司, 所以有錢人好少睇科技股(QQ之類) , 或其他概念股, 因為對我來講根本係唔明, 唔識, 唔係我財唔入我袋... 今次研究 0057震雄集團.

0057 震雄集團, 係由一個有錢人十幾年前出來工作已經識佢 (但佢唔識我)的實業慈善家蔣震創立, 雖然, 蔣先生已經80有8了 (同巴菲特差唔多年幾), 但仍有心有力做主席, 而佢呢間震雄, 其實都交棒比左個女同個仔打理了.

盈富基金計劃之優化(2012/12)

最近, 看到Mapochi兄的的文章 "市盈率投資法謬誤", 令有錢人再檢視自己的盈富基金計畫.

有錢人的計劃與Mapochi兄文章中舉例做法有一個很大的差別, 在於買入賣出的數量及比例, 以及當中有錢人不是以"增值"為單一目標. 另外, 因為"收息"是有錢人的其中一個目標, 所以買賣指標是盈富的息率, 而做法也不是全數買/ 全數賣, 而是每個月都有操作, 也有持貨, 不會全現金, 也不會全股票.

做個有錢人之路~ 2012/12/01

今天是2012/12/01, 距離 "起步" (2010/04) 已過了31個月, 又是時候回顧我的 "有錢人之路"了. 我的財務現況:

有錢人想的和你不一樣 (現實版)

在上年, 有錢人的寫了老友TL的故事, 內容講及他擁有三層樓的經過, 最近, 有錢人跟他傾開計,談起了樓市, 原來他跟有錢人一樣, 已經把出租物業都放賣了, 但他比有錢人更早賣了, 是上年年尾至今年年頭的事.

維他奶 2013

翻看記錄, 原來有錢人上次寫維他奶, 已經是2011年頭的事了, 之後就沒有再寫, 前後也有1年零9個月, 唔係有錢人唔記得或者放棄維他奶, 而係佢無乜好寫, 它是一間穩定穩陣, 有錢賺, 有息派的公司, 之前有錢人都預期, 以當時市價計 (好似大約$6.5), 維他奶平均一年連股息回報大概是10%-15%, 是合預期的.

香港ETF

最近, 有錢人為了自己的MPF, 開始留意多左 "基金"呢樣嘢, 也因此開始看多了不同種類的ETF,香港都發展了一些ETF, 由盈富基金以至不同地區及市場的ETF都有, 當然, 都係以香港同大陸為主啦...

對於ETF, 以前有錢人都只會去認識盈富基金, 當真正去研究過, 比較過之後, 就有以下發現最適合自己:

股神推薦ETF

股神巴菲特很多次推薦ETF...以下是其中一些言論, 都講到點解散戶應該買ETF:


“在我看來，最好的方法就是購買一支低成本的指數基金，然後長期堅持規律投資，因為你買進的其實是一個理想的行業，一個理想的國家的經濟。”

“如果你堅持不斷地買進，我們的確無法保證你的買進行為都是發生在市場的底部，但是我們至少可以保證這些買進行為同樣不是都發生在市場的頂部。”

無良心業主? 可憐租客?

大概在十月的時間, 有錢人就賣出了放租樓A, 但新業主是自住的, 所以要交吉. 有錢人隨即打電話比租客H, 通知他樓A已經賣了, 成交期在12月中, 所以希望在之前收樓比新業主. 租客當時都好愕然, 有錢人為了令租客H好受點, 也希望租客H可以走得暢順點, 所以比了一些 "租頭":

七成按揭? 九成按揭?

有朋友問有錢人, 如果想買樓, 應該做七成按揭還是九成按揭, 這個問題以前有錢人唔識得答, 因為我無經驗, 也無嘗試過計數, 但現在我可以講, 如果呢個係第一個自住物業或唯一一個自住物業, 除非閣下是有錢到可以唔洗做按揭, 想點買都得的情況, 否則, 越高成數按揭就是對你越有利.

投資回報

對於很多人來講, 1%不算是甚麼, 例如, 原本一件$100的衫, 依家要賣$101, 如果大家是喜歡這件衫的話, 那$1蚊的差距, 大家會介意嗎? 再講大少少, 一層樓本來叫價$303萬, 當大家想去以$300萬買, 但業主死都唔減, 如果層樓大家又係鍾意的, 又會唔會為了這 1%的差距走人唔買?

但是, 如果這個差距被放大了10倍, 20倍, 也許大家就會被嚇怕了吧...

強積金自由行開始了

自今個月2012/11/01開始, 強積金自由行終於成行了, 有錢人第一樣就係即時比較不同積金公司的收費以及有沒有 "現金利息"的基金, 市面上也多了許多資訊比打工仔去睇, 現在也只是半自由行的開發模式已經看到其正面影響(對消費者而言), 希望這個"強迫金"真正可以發展出令到大眾退而無憂的結果.

好彩還是實力?

有錢人賣了放租樓A(賣出放租樓A) 不到一個月, 政府就推出了辣招 ~~ 加強版SSD同BSD, 呢一個政策雖然唔會影響到有錢人的放賣行動, 但相信一定會減低買樓者的購買慾, 即是, 如果有錢人唔係一早掛牌賣出樓宇, 到依家才掛牌賣樓的話, 一係就再等唔知幾耐先有買家承接,一係就減價放售.

向上流的買樓故事

現時樓價高企, 不論有樓無樓的都話樓價高處不聲寒, 有說一些有樓的人因為樓價屢創新高, 在相同比例的升幅影響下, 想換樓也換不了樓, 沒樓的人就更無能為力, 也沒能力上車, 總之就怨聲載道, 有錢人反思自己以至身邊朋友,同事,生意伙伴的故事, 看看是否一如傳媒所說的那麼慘.

我們一般平凡百姓, 係唔會有能力一炮過買到最心儀的居所的, 所以只可以一步步地向著自己喜歡的目標前進. 這些"向上流"可以分幾個階段:

有錢人期權倉 - 2012年11月份建倉

踏入11月份, 紀錄建倉情況:

941 中移動 (11/01 收市股價 $87.30):

做個有錢人之路~ 2012/11/01

今天是2012/11/01, 距離 "起步" (2010/04) 已過了30個月, 又是時候回顧我的 "有錢人之路"了. 我的財務現況:

低能的最低工資 (二)

上文提到, 最低工資的 "飯鐘", "休息日", 都已經甚具玩味, 作為顧主, 當然想要即時理清立場, 不想之後攪到惹禍上身啦, 但 "公司越大, 責任越大", 連人工支出都越大, 麻煩也越大.... 看看大家樂的情況, 一講即死.....唉, 香港的政治嘛...

低能的最低工資 (一)

早幾日跟公司HR同事講起最低工資, 他們都不約而同鬧爆!!! 原來依家的所謂最低工資, 比起有錢人所想像得到的更低能... 也表現出我們的所謂 "政客"的膚淺... 爭取甚麼呀你地.... 我呸!!!!!

機會與挑戰

近期, 因為有錢人賣樓, 同老闆傾計都有提及這些故事, 加上老闆知道我有玩開股票及股票期權, 也聽過我的投資理念, 想法, 以至操作方法, 佢老人家話不如開一個戶口比我操作, 真正"試試"我的身手, 雖然金額不會太大, 但"用人地啲錢, 同用自己錢去投資/ 投機完全係兩回事", 讓我有機會玩下新嘢喎, 咁好玩?!?! 我當然一口應承.

雖然, 我不是甚麼CFP/ CFA又或是讀FINANCE出身, 更不是財演, 也沒有投行工作經驗, 但我有實戰經驗, 而且對老闆來講, 我有TRACK RECORD, 每次投資有回報或失手都會跟同事以至老闆分享. 所以老闆清楚我的投資策略, 放心比嘢我玩.

機會是留比有準備的人, 挑戰是留比肯接受的人.

共勉之!!!

與有錢太太在賣樓前的對話

在賣出放租樓A之前.  曾經同有錢太太講起, 佢話, 不如唔好賣住, 反正依家都無盤喺市場上面, 等多陣應該會再升下添;


有錢人問太太: "咁你估呢一年有幾多升幅??"

有錢太太: "應該都有一成嫁左右"

有錢人: "小!!!! 咁賣左佢好過啦, 你老公我要做到一年搵十零廿萬有幾難呀?!?!?"

有錢太太: "咁你係唔係穩賺先?"

有錢人: "穩就唔穩嫁, 但一定唔會蝕入肉囉; 如果樓價唔升, 唔賣的結果咪一樣, 一鳥在手好過啦, 依家層樓扣埋樓按利息, 差管雜之後, 實際得嗰3厘唔夠咋, 買盈富中移動中電都仲好過啦!!"

有錢太太: "咁又好似係...."

有錢人: "仲有呀, 賣左層樓, 係cash-on hand 百幾萬, 未賣層樓, 係capital value 兩百幾萬, 如果你想個個月有 "糧" 出, 我個個月比返幾千蚊你, 當我租你啲錢去洗嘞!!"

有錢太太: "去死啦你死佬!!!"

賣出放租樓A

早於兩個月前 (大概是2012/08左右的時間吧) , 有錢人見樓價升得咁上下, 已經產生賣樓念頭, 當時陪朋友C睇樓時 (9月頭), 同地產經紀傾開計, 大家都認同, 我的放售價不算過份, 但市場仍有差不多的選擇, 在無得睇樓的情況下, 買家 (尤其是自用人仕)一般都不會太進取, 所以等一下 (可能三兩個月)就可以到價出售,

況且, 我是有租金正現金流的狀況, 是真正沒有得輸的. 孫子兵法有說 :"勝兵先勝而後求戰，敗兵先戰而後求勝", 在完全沒有賣出壓力的情況下, 真的是輕鬆自在.

因果~~~先有因, 後有果!!

每個人都是獨立不同的個體, 大家都有不同的性格, 習慣, 喜好, 所以每個人的人生都是精彩的, 我們不需要也不可以複製其他人的生活經歷. 在個人的投資操作也一樣, 有些人是選股王, 喜歡研究股票公司, 尋找出有投資價值的公司, 每每投資都有斬獲; 也有人是樓神, 買入賣出轉手可以賺幾十%

然而, 大家看到的就是這些 "結果", 重視的也就只是這些果.....

有錢人期權倉 - 2012年10月份建倉

踏入10月份, 紀錄建倉情況:

941 中移動 (09/28 收市股價 $86.05):

$77.5 SP @ $0.1867
$80.0 SP @ $0.2373
$82.5 SP @ $0.4

$90.0 SC @ $0.64
$92.5 SC @ $0.2933
$95.5 SC @ $0.145

共收期權金大約 $14,000 


現時戶口仲有50%購買力, 用以備用作股價波動之按金需求及相關之買賣運作.

做個有錢人之路~ 2012/10/03

今天是2012/10/03, 距離 "起步" (2010/04) 已過了29個月, 又是時候回顧我的 "有錢人之路"了. 我的財務現況:

借錢的選擇

近日多了不少銀行同信用卡公司打電話比有錢人, 問我借唔借錢, 佢地大部份都係定期定息定額式還款, 雖然佢地話自己係"免息", 只收手續費, 但你理得佢用甚麼名堂收錢鴉.... 簡單點, 總之我借你十萬, 加加埋埋我要還比你嘅係比十萬多幾多, 再計返個年期, 咁就清清楚楚利息支出嘞. 然而, 呢條數竟然好多人都唔識....??!! 究竟係唔係識, 定係唔理呢?

超級即日鮮孖展

原來, 玩股票期權, 仲可以現埋超級 "0"底押孖展... 真係好玩過過山車!!!

小孩的投資 (二)

上一篇文章小孩的投資 (一) 講及, 原來在香港養育一個孩子, 大約需要百幾萬. 當然, 我的計算裡沒有住屋支出, 但小孩一般跟父母同住, 就當他是"租"了一個床位, 收$2000/ MTH, 22年就是$528,000, 加埋洗在他身上的百三萬都係180萬左右姐.

如果要洗到四百萬, 其實已經係豪養了....

小孩的投資 (一)

現今年輕家庭大多是小家庭居多, 一般都是一至兩位小孩, 所以, 每一個小朋友都是寶. 面對著自己的寶貝, 很多大眾都被李麗珊的廣告「洗腦」，養一個小孩要400萬？！ 

那麼，我便有800萬「債」？如果生多個，o...千二萬！

網頁廣告

有錢人寫blog, 雖然完全是為了記錄自己的投資生活, 但也想為這個社會做一點點貢獻, 所以之前申請了 adsense在自己的blog裡頭賣下廣告, 而所有廣告收入, 將全數捐贈予慈善團體, 為了讓自己知道捐了多少錢, 我也會把捐款紀錄下來, 一來可以做一點善事, 二來也可以在朋友面前 "威威", 哈哈!!!!

NO PAIN NO GAIN

最近, 公司有位年青人N向我辭職, 他說離職後會去幫朋友一齊返大陸攪生意, 起初我聽他說自己想出去闖一闖, 所以跟朋友返大陸看過他的生意, 覺得自己有機會發揮, 然而, 當我問及更多的詳情時, 發覺他的所謂 "生意", 很有可能是他的朋友的騙局. 我問了N幾個有關內地做生意的問題, 以及他對該公司的認識時, 他根本答不上半句.

我看著N說他如何 "相信"這位所謂朋友, 又要到會投資多少錢去他的公司... 我看到的, 是一頭迷失了的羊...

上車客

樓市升到今天的地步, 都可以說是超越有錢人的想像. 有錢人已賣出的自住樓, 由年頭的250萬, 到半年後的今天, 相近質素的單位竟然可以叫價290萬, 甚至上到300萬都有, 令到有錢人身邊有能力買樓但未有樓的朋友都紛紛想是否時候買樓自住? 未來還會升嗎?

有錢人期權倉 - 2012年09月份加倉

有錢人期權倉 - 2012年09月份建倉 之後, 事隔一個星期, 有錢人追加:

as at 2012/09/10, 941 中移動 (股價 $82):

$77.5 SP @ $0.4225
$80.0 SP @ $0.45 (追加了)
$82.5 SP @ $1.83
$85.0 SP @ $0.20 (追加了)

2800 盈富基金  (股價 $20.5):
$20.0 SP @ $0.25


388 港交所
$95.0 SP @ $0.32
$97.5 SP @ $0.48
$100.0 SP @ $1.2

追加原因, 無他~~~ 貪心也, 經過一星期的觀察, 盈富$20.0 同港交所的 $100.0都未必會跌破, 即是權金應該會食光了, 所以轉沽近價少少的$80.0 中移動, 如果跌破$80蚊要入貨, 息率預期都有 4%, 進可攻退可守.

有錢人期權倉 - 2012年09月份建倉

踏入9月份, 紀錄建倉情況:

941 中移動 (股價 $83.4):

$77.5 SP @ $0.4225
$82.5 SP @ $1.83 (這是貪心的決定)

 
2800 盈富基金
$20.0 SP @ $0.25

 
388 港交所
$95.0 SP @ $0.32
$97.5 SP @ $0.48
$100.0 SP @ $1.2


今個月暫時只做了 SP, 更加入了 2800 盈富基金的SP 同388 港交所 的SP, 因為有錢人認為, 如果呢兩支股票真的跌落我訂的SP 價位, 有得買亦無妨, 無得買就收期權金囉.

做個有錢人之路~ 2012/09/01

今天是2012/09/01, 距離 "起步" (2010/04) 已過了28個月, 又是時候回顧我的 "有錢人之路"了. 我的財務現況: 

手續費的影響力

我們投資/ 投機都講求回報, 然而, 講到有甚麼東西影響回報就不得不提 "手續費"這東西.

大家買賣股票, 基金, 期權, 柯卵, 甚至樓宇.... 全部都有 "手續費"

這些手續費看似微少, 但加加埋埋的影響卻是絕不能小看:

給孩子的信 (七) ~~ 2012/08/21

親愛的孩子:


這幾個月以來, 為父都忙碌於為家中事務. 由上一次給你的信 (2012/02/01), 到今天的信也整整半年了. 當然, 我相信我們的溝通不只是以量多為之妙, 反是以質優為之妙. 我們每天的溝通, 很多時都以 "健康, 快樂"為開場白, 所以我確信, 你絕對能夠知道, 自己是如何身處在一個以 "健康, 快樂" 為基礎的家庭成長. 這也是為父對你的第一大願望.

Cargo Cult Science (草包族科學)

Cargo Cult Science 是出於一位諾貝爾獎得獎物理學家 Richard Feynman (費曼), 他在加州理工學院的一場畢業典禮演說時提醒同學做科學要有"科學的品德", 不要做"偽科學".

賣- 不賣 (二)

上一篇文章 "賣-不賣" 提及到賣了樓A的ALTERNATIVE, 現在就講講不同alternative的比較:

選擇有三:

1) Full-pay 一層細價樓;
2) 揸現金;
3) 買股票;
4) 其他投資....唔好意思, 未學、唔識、或者未有信心做得好!!

賣- 不賣

最近一次睇返自己層放租樓 (樓A)的銀行估價, 嘩 ~~~ 已經跳升 260萬, 比起我買入價多左成一百萬. 跟手時同有錢太太講起, 有錢人有個想法, 就係依家賣左層樓去, FULL-PAY 換入一層細價樓 (樓B). 所有租金收入淨袋.

做個有錢人之路~ 2012/08/01

今天是2012/08/01, 距離 "起步" (2010/04) 已過了27個月, 又是時候回顧我的 "有錢人之路"了. 我的財務現況: 

夢想與現實之間...計劃與行動

有錢人在有關財務自由的目標是:

擁有一千萬元淨資產, 每年產生30萬元被動收入.有錢人希望自己可以在50歲前達到 ~~ 最好45歲前

目標能否達成涉及很多因素, 包括: 經濟成長, 投資回報, 工作穩定, 家庭穩定, 有沒有意外, 仔女生唔生性.......很多的外在因素也有機會影響其成功, 但是當中最重要的就是 "計劃" 與 "行動", 這只是有關於有錢人自身的關係而己

其實, 有錢人除了有一個財務自由的目標以外, 還有7年計劃及 3年計劃, 而且有更遠大的理想、夢想, 這些計劃都幫助有錢人去努力做好一個人.

周星馳在 "少林足球"的一句好有意思:

做人如果冇無夢想, 同條咸魚有咩o野分別呀!

強積金 201208

每次見到個強積金戶口, 都要講句 WHAT THE FUCK!!!

用股票期權賺零用錢的原理

有錢人曾經講過, 在期權市場上賺小錢是可以, 只是賺大錢就要承受高風險, 我相信對大部份投資者, 尤其是對新人來講, 這是很難理解的. 然而事實上原理就很簡單... 我地收錢為他人承受風險 ~~~~ SC 及 SP

"以前"買樓與"依家"買樓比較

"以前"的定義, 有錢人將之定性為89年之後, 95年之前吧....

就讓我們一起比較下 "當年" 同 "今日":

有錢人期權倉 - 2012年08月份倉位

上次補返紀錄有錢人7月份的期權倉, 依家紀錄8月份的建倉情況:

全部941 中移動:

$77.5 SP @ $0.114
$80.0 SP @ $0.242
$92.5 SC @ $0.49
$95.0 SC @ $0.3764
$97.5 SC @ $0.133

有錢人的建倉方法是上月尾先做3份1, 到依家月頭已經賺了少少時間值, 風險在於上落有機會因為結算日而擴大波幅 ~ 故安全計亦只做 3份1的資金. 就好似呢幾日, 股價升上$91, 我的 $92.5 SC 就蝕住擺, 但因為我的機制係升/跌穿行使價外多一個價位, 所以唔會理 ~~ 只不過升勢引來的後果係按金加大, 所以直到昨日先有把握同資金做多少少其他價位的 SC / SP.

根據有錢人計算, 以我呢個建倉做法, 就算不幸股價大升過$95 或大跌到 $77.5以下, 如果到時我無信心, 只要我即時全部平倉, 咁就會打和....即是, 坐和望贏!!

(睇下我又係唔係真係得先)

有錢人期權倉 - 2012年07月份紀錄

有錢人睇返自己的期權倉紀錄, 發現自己原來無POST過7月份的倉位, 依家補返先:

中移動股價由6月尾大約 $82.8 到7月尾約 $90.0, 有錢人只在07/03 左右幾日做了一些交易, 當時股價大約 $86.9 (對比6月尾升了 $4.0)

$80.0 SP @ $0.17
$90.0 SC @ $0.14
$92.5 SC @ $0.13

以權金對比按金計, 大約3% 回報 ~~~ 期間當然有不少波幅, 尤其月尾有一兩日超越了 $90.0, 但有錢人沒有平倉, 因為未升到 $92.5的止蝕位, 然後股價回落至 $90.0 以下, $80.0 以上, 權金全數袋袋平安.

置業是投資? 是消費?

置業是投資? 是消費?
這個問題已經被廣泛談論過, 有錢人以前也都講過下 (2010/06/05: 買樓自住 vs 買樓投資)...

點解買唔到樓?

近日又見到報紙報導樓市如何令人苦不堪言了...
http://hk.news.yahoo.com/買400呎市區樓-須不食不用11年-224908341.html

回應網友 - 賢

網友賢在 "說到做到 - 開始盈富操作基金" 提到一些問題, 很想跟大家分享, 也藉此回應賢:

BY 賢:
多謝讚賞,其實我剛開始出黎做野,預計每個月大約可以供3千到,相信近十年都可以唔郁筆錢,對股市亦冇咩認識,以下幾個問題想請教下:

1. 將全部錢投資盈富,可行嗎?
2. 應該月供定儲幾個月逐手逐手咁買?如果按你所講,我將"一單位"訂為一千,適合嗎?
3. 透過咩途徑買盈富比較好?銀行,經紀 or証卷行?其實分別大唔大呢?
4. 除左投資盈富,有冇其他建議可以比到我?

通漲與退休

一直以來, 有錢人都有以下"退休"指標:

擁有一千萬元淨資產, 每年產生30萬元被動收入.

有錢人希望自己可以在50歲前達到 ~~ 最好45歲前

但是, 這個世界有一樣嘢叫做通貨膨漲, 佢係會把現金的購買力減低的. (原因唔洗我講, 請去圖書館、GOOGLE SEARCH等等自己搵啦). 以前有錢人細個喺屋邨的時候, 魚蛋只係5毫子一串仲有十粒添, 依家?! 呢啲就係通漲嘞.

借錢投資201207

上年11月, 有錢人借入短債, 玩左幾個月去到今年2月,  因為要換樓, 為了借按揭上更安全, 所以當時清還所有債務以騰出空間, 現在一切都成定局了, 有錢人再借入新錢. 今次不是計劃一年時間內清還了, 而是計劃分5年時間清還, 計算所有現金回贈, 送乜送物之後, 有錢人計算過, 今次的實際利率為5.5%, 即是P+0.5% ~~ 定息, 定額還款. 如果以私人貸款計算係唔錯.

地獄黑仔王, 你是最幸運的!!

最近睇報紙, 有好多炒乜炒物搵到幾多幾多錢的新聞訪問報導. 有一些更加是年青一代, 他們被神化為 "少年股神"之類的稱號. 然而, 有錢人不知道當中有幾多人曾經試過投資失敗, 又或者是每次都是靠其完美的分析加上正確策略得到大勝結果. 但無論如何, 賺錢的人就是賺了錢吧.

一個投資人, 要最少有一次牛熊交替的經歷才算是有經驗 (無十年都要有八載), 在一個短時間內可以賺錢的人多的是, 多多少少講運數, 近年樓市飛升, 能夠在樓市中賺錢的人多的是 (有錢人都在此浪中得到唔少租頭), 但要知道, 可以順勢而行是一種福氣.

如果大家返回2003年, 比你有三百萬現金, 在當時你敢唔敢, 又有無心情買樓? 買股? 如果你係可以經過分析之後去買入的, 你就是真正的強人了!!!

中國銀行又有壞帳爆出, 匯豐洗黑錢!

今期焦點係銀行, 繼上星期建行爆出30億上市公司壞帳之後, 呢兩日又有匯豐在美國墨西哥洗黑錢事件.... 有錢人打死都唔信高層全部唔知情, 肯定一早知咩事, 只係為左賺錢, 偷雞唔做嘢唔監管, 依家偷雞唔到之嘛....

買銀行股、金融股的最大風險就在呢度, 因為佢地係百業之母, 真係做甚麼都要靠佢, 所以一般都係買入並持有的股票, 但一旦爆一爆又會好多 "引申波幅"... 雖則如此, 有錢人仍然認為, 內銀股始終是值得信賴的股票, 因為阿爺唔會唔派息比我地呢班市井之徙.

建行壞消息一出後, 全線內銀股價應聲大跌, 有說不知仲有幾多幾多壞帳收埋未爆喎... 有錢人就咁睇, 以現時內銀派息都有6,7厘, 就算減半都有3厘幾, 都唔算太差鴉, 有錢的話買返多少放下落床下底囉, 當然, 唔好訓身啦, 否則, 就算唔死, 得閒比啲"引申波幅"你睇都夠心掛掛吧...