有錢人期權倉 - 2012/06/08

上個月五月份, 有錢人本來可以正正常常咁收到3%-4%的權金, 點知自己唔生性, 貪字得個貧第二集, 最後全月埋單只是小勝一千左右埋單... 今個月因為有錢人新屋用錢, 所以預留多了現金十萬從期權戶口拎走備用, 期權開倉無乜錢了, 只是做了少量sc + sp:

全部都係中移動即月:

$70.0 sp @ $0.22
$85.0 sc @ $0.23


現價大約$79. 如果嚟緊幾日價位上升, 有錢人會再做多些 $87.5 sc 甚至好價的話就做 $90.0 sc;
無錢時, 安全邊際比回報預期更重要!!

買股票 ~ 往績與預期

最近同做股票行的朋友食飯, 他們都說最近個市好靜, 食多半個鐘飯先返都無乜所謂. 咁又係, 全日成交得三四百億, 同高峰時日日都過千億又點可以相提並論呢? 不過, 個市淡淡靜的時間就更值得我們細心想, 慢慢諗自己的投資.

"It's not how good you are, It's how good you want to be" - Paul Arden

MARKETING 界明人- Paul Arden寫的
"It's not how good you are, It's how good you want to be"

西班牙的泡泡

從2007年匯豐銀行公報自己的 "次按問題"開始, 到2008年雷人兄弟, 到美國QE原子彈 1,2號, 中國阿爺4萬億, 然後加埋歐聯國債大戰 ~~ 最近, 希臘國債臨近爆煲邊, 這些金融風暴得閒就會走出來玩下我地. 上星期又到西班牙有銀行被國有化了... 對我們又有甚麼啟示呢?

貪字得個貧第二集

之前有一篇文章 "貪字得個貧", 講自己如何在末日期權貪小便宜, 當次最終結果是因為貪心而失落百幾點;

今次第二集, 都係與 "貪慾"有關的, 結果也差不多, 都是損失...

轉寬頻 (又係電盈惹的禍)

之前的 "生活經驗與投資價值" 講過有錢人去pccw 同去 smartone買電話的經驗, 今次到boardband了.

"一個人對待一樣事的態度, 等於佢對待所有事的態度" ~ 原來呢句說話放在服務機構都可以成立的.

做個有錢人之路~ 2012/06/01

今天是2012/06/01, 距離 "起步" (2010/04) 已過了25個月, 又是時候回顧我的 "有錢人之路"了. 我的財務現況: 

回應網友: Petertang

最近收到網有petertang的留言, 很想跟大家分享, 也藉此回應petertang的.

by petertang:
我仲有一年就畢業, 依家放假就想學點投資

我準備六月開始月供2800 同 2388
有冇建議可以俾我d新手:)

其實我不斷係圖書館借書睇,d書成日話估值估值揾間好公司,但具體點做真係唔知.請問你當時點樣由冇到有咁去投資.


thx
= = = = = = = = =

我們父母輩的致富系統 (三)

有錢人與父母, 在未有得住公屋之前是租樓住的, 一屋兩伙人, 共用廁所, 因為我們只夠錢租了一間房間, 幾十呎就住了我們一家4口了, 生活起居都待在那兒, 但當時很多家庭都如此生活, 也沒有現在的甚麼抗議沒有得上樓, 要住蝸居之類 (我覺得, 比起港英政府, 現在自由多了).

還記得我們家也曾被賊人光顧過, 好似損失了些少現金及一條金鏈呢.

我們父母輩的致富系統 (二)

看看我們的父母輩, 他們的 "致富"之路, 其心法都只是一些很簡單的理念, 就是 "唔想搵錢".

好多人都想"致富", 但問題是"致富"是否等於 "努力搵錢"? 原來這當中不存在等號的. 如果 "致富"就是等於 "搵錢", 那搵錢最叻的人就是最有錢的人了, 但事實卻不是. 最富有的人不是賺錢最叻的人, 而是最懂得追求夢想的人.

我們父母輩的致富系統 (一)

近期電視節目的熱話, 已經由盛女轉變成秋官的心戰, 因為秋官的秋官效應, 今個月股市應聲下跌兩千點, 秋官真係次次都有料到? (又睇睇下次有劇上畫時點樣). 不過, 有錢人想講的唔關秋官套劇事. 而係我我父母輩如何 "致富".

積少成多 慳得就慳

很多人都會對自己擁有的能力過份自信, 但對於自己的未來又過份悲觀. 就以理財為例子, 我們常常都會期望自己可以一朝發達, 或是可以在短時間內得到很高的投資回報, 又或是可以大額增加儲蓄率. 但大部份這些期望最終都會失望而回.

睇公司 買股票

有兩句說話時常都可能正確, 可能不正確:

"時勢造英雄" / "英雄造時勢"

亂局下的操作- 20120521

最近歐債又升溫, 德法口講唔想希臘死, 但我相信心嗰句係 ~~ "要死早啲死, 仲唔該死開啲"!! G8無料到就預左嫁啦. 所以個市由月頭兩萬一千幾點, 跌到依家萬九點唔夠.

根據經驗, 現在的價位是 "抵買", 即是可以開始加大小小投資額 ~~ 如2800 盈富基金操作, 但不要去得太盡, 可以耐心等待跌得更深才買得更多.

根據有錢人的操作系統, $18才值得買3倍資金, $18以上都只是2倍資金. "戒急用忍"是成為真係有錢人的心法.

期權方面, 都是以價外3個價位為主打, 工行跌得較多, SP 有機會要接貨 (但都比我再之前的入貨價為低) , 就算 $5買入, 息率亦有 5%, 買入無坊; 中移動就暫時未有到價的 SC/ SP.

財務自由 ~由珍惜開始

近的世界新聞大事, 除了國家的主權問題之外, 就是歐債危機了. 而當中就以希臘的債最為觸目, 原因不是他們的債多 (沒有國家的債多過美國了), 而是他們的態度. 在最近的選擇中, 看來希臘人是希望可以懶債. 本來, 借錢給他們的機構都已經 WRITE OFF 5成了, 但窮光蛋就是窮光蛋...無懶就是無懶.

強積金 201205

由上次9月回顧自己的強積金戶口至今, 沒有任何操作改變...

新資金100% 投放在恆指基金,

現有資金 15%增長, 85%恆指.

有錢人的公司用恆生最基本的強積金服務, 只有5種基金選擇...

期望"強積金自由行"快點來吧...

獨步股壇

獨步股壇 How to Trade in Stocks - Jesse Livermore

回應網友: keith

在 消費率與未來 一文, 網友 Keith 有一些分享:

財務自由與二世祖聯想

有很多人見到其他人比自己"富貴", 就會想 "如果我都咁有錢就好嘞". 有錢人都經常有這些念頭... 睇NBA, 會幻想自己可以入樽的話, 會十分有型; 見到路上有人揸發拉利, 就會諗, 如果我都可以擁有發拉利就好咯....然而, 當靜下落嚟細想, 原來, 自己擁有的, 已經是我值得擁有的了, 多了, 是我駕馭不了的.

消費率與未來

近期, 歐債危機又再升溫, 原因是歐洲開始有不少國家的人民不安份於要行緊縮政策. 其中最明顯的就是法國和希臘, 法國總統換班, 由反對緊縮政策的奧朗德上場, 希臘就有機會由最落力反對緊縮政策的反對黨執政, 到時希臘真係有機會違約賴帳, 做第二個冰島... 其實, 這些國家的債, 雖然原因可以說是千頭萬緒, 但當中又可以簡單地解讀為支出大於收入.

資產價格升跌與現金流

最近全球經濟政治又有新發展, 令到股市波動加大, 有不少股票也因此而又被舞高弄低, 害得不少散戶又要蝕錢走人...

無論大家是投資、投機與投運 是但一種, 其實都係想賺錢, 只不過在賺錢的過程裡面, 又有沒有想過, 賺錢是由於資產價格上升的, 定還是增強了現金流呢?

儲蓄與投資分配

有錢人最近公私兩忙, 花不出太多時間學習研究不同的投資項目及領域, 只夠時間可以在現行的項目上不斷檢視及更新操作.

搬屋在即, 有錢人一有時間就會"回憶" 在這個家的點滴, 在最近的資產增長回顧中, 有錢人重新檢視自己的資產回報, 總結了一些事情及經驗:

有錢人的股票投資 2011-2012

剛剛回顧自己的資產組合變化, 其中股票在過去一年改變頗多, 有錢人的股票倉由滿倉到差不多空倉. 當中經歷過的與原因, 在這裡做一個簡單紀錄, 以便日後回顧、反省及調整.

做個有錢人之路~ 2012/05/01

今天是2012/05/01, 距離 "起步" (2010/04) 已過了24個月, 不知不覺兩年了, 又是時候回顧我的 "有錢人之路"了. 我的財務現況:

現在買樓的供樓負擔

+x哥經常都同大家講, 買樓自住, 只要有能力比首期同供得起, 幾時都係入市時機. 有錢人好同意呢一個想法, 而且, 加多一句 ~~~ 越早開始就越好... 有錢人好好彩識到有錢太太, 當年佢唔嫌我人工低, 又唔嫌我無蓄錢, 同我夾錢買樓, 依家佢都算係守得雲開見月明. 起碼我依家份人工都夠供起晒全家樓按再加生活開支, 而再加上有錢太太工作也有不錯的收入, 所以生活雖不至於富貴, 但也頗鬆動的.

換樓準備, 大致完成了

有錢人的買樓計劃2012上一篇 (第四篇)是賣樓 ~~~, 在本月中已經完成, 剛好銀行又已經批出新樓的貸款plan.

有錢人期權倉 - 2012/04/27

今個月又到尾聲了，有錢人的期權倉基本上都係無驚無險，靜靜收錢。

投資鑽研福利不如早開始投資

最近有說，香港公屋申請人數突破17萬，其中大約4萬人為80後，即是大約每四個申請人當中就有一個是80後的青年人。我雖然認為有能力的人，不應該依靠政府的幫助，但現在確實有不少年青家庭是沒有罝業能力但有住屋需要的，所以對於年青人申請公屋，我是持開放態度的，但對大學生或一些僅滿18歲就為了"擁有自己的天地"而申請公屋就絕對反對，這不是權利、合不合法或是可不可以的問題，而是應不應該以至人生目標的考慮。

有錢人期權倉 - 2012/04/02

經過上一個月的腥風血雨, 有錢人有不少SC都陣亡了, 令到有錢人對上幾個月賺到的權金也差不多一筆勾消 ~~~ 不過, 這正正就是我所講過, 平均每年總有一次轟轟烈烈地無20%.

無乜錢的人的最安全投資 ~ 月供股票

好多人想投資, 但自己又唔係好多錢, 連一手匯豐、中移都買唔起, 又唔知從何入手, 好多時都只草草的買入一些"高息外幣"呀, 儲蓄保險呀, 其實, 作為一個無乜錢的人, 就應該更加珍惜自己的錢, 也要學習時間點樣幫我地賺錢.

上車盤的買樓準備 (二)

上一篇文章 "上車盤的買樓準備 (一)" 提到, 原來依家買上車盤只要 $30萬就一定攪掂, 只是點攪$30萬而已...

在此之前, 其實更要計一樣嘢, 就係點供; 如果大家死搵爛搵幾廿萬返來買樓, 點知供兩供發現有問題供唔起, 真係連本帶利甚麼也沒有. 所以先計計自己供唔供得起再講搵首期.

上車盤的買樓準備 (一)

身邊不少年輕人, 當有錢人問他們想不想買樓, 他們都會答 : "想, 但依家啲樓好貴, 買唔起"

最低工資檢討

眨眼間, 最低工資實施差不多一年, 又到了檢討的時間, 現在又是政府、商界、以至勞工界別人仕討價還價之時.

有錢人一向認為人們之所以能夠增加收入改善生活, 是因為自己的能力提升了, 所以能夠做得到更多, 致使回報增加, 若然能力沒有提升, 也不願意付出更多 (時間或心力), 回報自然就只可以隨著經濟活動的變化而改變 ~ 時而上升, 時而下降. "結果與回報"是掛鉤的.

做個有錢人之路~ 2012/04/01

今天是2012/04/01, 距離 "起步" (2010/04) 已過了23個月, 又是時候回顧我的 "有錢人之路"了. 我的財務現況: 

老爸給我的最後一份禮物

老爸給我的最後一份禮物  ~
- Janis Abrahms Spring and Michael Spring

太陽底下無新事

最近, 中移動 (941) 的股價好似坐過山車般, 由一月份的$75 - $76, 升到 $86 - $87, 更有大行話睇好甚麼甚麼業務增長, 看來要升破 $90, 甚至會去到 $95. 其實, 唔知又比佢嚇死, 知就比佢笑死. 根本上, 中移動的業務發展近年來都是平平穩穩的, 沒有甚麼驚喜也不會無端跌落谷底, 如果我們真的如大行或是財演講的做, 大底又是坐艇一族了。

財富、富足與財務自由

每個人一生人裡面, 會有好多唔同的追求, 唔同的年幾也會有不同的夢想, 當大家去追求自己的夢想時, 財富往往是一種有效的工具去幫助我們達成夢想, 是故 "財富管理"是十分重要的. 但是, 在我們認為財富是重要之先, 我們更要明白為何它是重要的, 這點卻是很多人都遺忘了的事, 在確定自己要得到財富的同時, 卻忘記了自己為何要追逐財富, 那是多麼可悲的捨本遂末的故事?

<桃姐>

最近看過桃姐這一齣電影, 有錢人一向唔多入場睇戲, 原因是有錢人一向對震撼場面無甚興趣, 所以一切講求偉大場面的電影我絕少入場, 而近年故事劇本吸引的電視又買少見少, 加上有錢人的時間也沒有多少剩下, 可以奢侈地輕鬆地看一齣戲... 正好最近有一個時間, 可以看一齣戲, 在 桃姐、鐵娘子及大追捕之中, 我選擇了桃姐 ~~~ 原因是我喜歡它的故事 ~~ 一個普通但窩心的平凡人故事。

致富是一個系統

柏竇 薜佛 (Bodo Schafer) 在其多本著作經常提到, 致富是一個系統.

東京鐵塔：老媽和我，有時還有老爸

東京鐵塔：老媽和我，有時還有老爸

有錢人期權倉 - 2012/03/08

由於要買樓, 所以股票已賣淨2800 盈富同1688爸爸等收錢. 反而期權在短期操作上有較大把握回報更高, 所以會留有到月底結數:

現金流安排 ~~ 一闊三大

在做個有錢人之路~ 2011年結中, 有錢人對2012 許下希望:

"展望2012, 有錢人希望:
1. 買車, 家庭型七人車;
2. 買樓, 舒服型3房, 實用要有700sf 以上;
3. 公司加人工 3成, 投資回報 50%;"

做個有錢人之路~ 2012/03/01

今天是2012/03/01, 距離 "起步" (2010/04) 已過了22個月, 又是時候回顧我的 "有錢人之路"了. 我的財務現況: 

1688 阿里巴巴私有化

上星期阿里巴巴復牌後正式宣佈其私有化計畫, 以 2007年招股價的 $13.5代價私有代阿里巴巴, 原因是:

"由於公司實施策略轉移規劃，以及對近期增長計劃的影響，可能持續導致投資者對股價看法與要約人對公司長期潛在價值看法之間出現分歧，在私有化後，要約人和公司將能夠以長期利益為重作出策略決定，而不會受公開上市公司所涉及的市場期待、盈利可見度和股價波動的壓力"

張潤衡 誠信危機

昨天, 看到 AM730 一篇文章, 感觸良多...


http://www.am730.com.hk/article.php?article=93392&d=1692
吹脹80後 - 張潤衡
誠信危機 (2012年02月22日)

買樓計劃 2012 (四) ~ 賣樓

上次 "買樓計劃 2012 (三) ~ 財務安排" 提到, 有錢人一定要賣樓先有足夠的現金作首期, 以及在還款比例上才更容易過關. 以得到銀行的樓按貸款.

修身 齊家 治國 平天下

《大學》
...古之欲明明德於天下者，先治其國。欲治其國者，先齊其家。欲齊其家者，先修其身。欲修其身者，先正其心。欲正其心者，先誠其意。欲誠其意者，先致其知。致知在格物。...
= = = = = = = = = =

林書豪 20120214

有錢人一向都是籃球迷, 但呢一年因為NBA的勞資糾紛太耐了, 也沒有多大興趣看NBA. 但最近因為一個名字, 讓我再度關注起NBA 的新聞, 這個名字就是 ---- 林書豪 JEREMY LIN

林書豪這個名字, 在1月的時候還是沒有人認識 (包括有錢人), 但今天, 他卻是無人不曉的 "明星"了;

關於他的故事, 有錢人不想講太多, 自己看吧:

http://www.am730.com.hk/text/article.php?article=92163&d=1685

或者, 上YOUTUBE 打JEREMY LIN或者林書豪吧

= = = = = = = = = = =

買樓計劃 2012 (三) ~ 財務安排

上文 (買樓計劃 2012 (二))提到, 有錢人同有錢太太 (其實我地仲帶埋有錢囝囝)一齊睇完樓, 之後好快就決定成交了. 然後, 我們返到屋企就開始談論財務安排:

買樓計劃 2012 (二)

上文 "買車經驗 (二)" 提到, 對上兩個星期前睇過嘅樓, 有些雖然不俗, 但業主開價實在太高了, 令到有錢人即時打退堂鼓唔買樓, 連夜加緊力度搵車, 一個星期之內已經搵到心儀對象兼佳偶天成, 買左架七人車. 然而, 故事的發展真係風迴路轉....

買車經驗 (二)

買樓計劃 2012  提過, 有錢人開始物色物業, 最近上個星期亦都睇過幾個不同的盤, 全部都係有錢人最想買的size, 但是, 無一個係有錢人可以買得起, 或者應該咁講, 無一個係有錢人願意去買的, 因為業主的開價實在是人吃不消....

有錢人期權倉 - 2012/02/01

事先聲明, 有錢人呢個期權倉係真實倉, 但就唔係用嚟自製ACCUMULATOR同DECCUMULATOR 的. 純粹係要以錢搵錢, 以戰養戰, 沒有感情, 賺期權金的時間值, 一到價就會蝕住走.

分享經驗

雖然, 有錢人常說自己買賣股票期權是在 "投機", 但不代表我不用投資的角度去分析自己的預期回報率. 相反, 我更會以投資於其他項 (股票, 樓市, 基金...)一樣的心態面對, 絕不馬虎. 柏竇.薛佛在其書 (歐洲巴菲特投資賺錢策略) 說過, 致富其實係一個系統. "想要獲得財務自由，就必須找到一條穩當安全的途徑，在毫無後顧之憂的情況下逐漸累積自己的財富。"

股票買賣倆閒 - 持貨短評

最近, 恆指雖然回升, 而且一浪高於一浪, 但有錢人就反而無乜動靜, 原因是我一早已經差不多滿倉, 另外, 就係我的盈富基金計劃已經足夠做到我想要的回報效果了 (平均超過13%回報率) , 而已經入飽貨的又唔想添食, 加上現金又唔係多過人, 要攪, 都搵下啲短線嘢玩下好過啦. 所以有錢人借入短債玩期權, 實際年利率4厘, 因為呢筆短債係我現存可用現金的支付範圍, 所以就算唔好彩無晒都唔會攪到我週身蟻, 更何況有錢人會好好睇住呢筆錢.

給孩子的信 (六) ~~ 2012/02/01 - 誠信

親愛的孩子:


你己開始上學差不多半年了, 個人認為, 你的進步比我想像中更多, 我不知道這是每一個小孩都會有的進步, 還是你獨有的? 或還是歸功於父母及學校? 我想各方面都有關係吧. 為父最高興的, 莫過於每一天都見到你健康快樂地成長, 每一晚, 為父都會問你: 


"你快樂嗎?" ~~~ "快樂!!"
"你健康嗎?" ~~~ "健康!!"


每次聽到你笑著回答我的問題, 我感覺到, 父母的努力及用心付出是不會白廢的.


= = = = = = = = =

股票期權 ~ 有錢人的選擇

在經過差不多一年的時間學習, 分析, 參與, 失敗, 交學費之後, 有錢人開始掌握到自己在期貨期權方面的興趣 ~~  就是股票期權. 為何我會有此選擇? 因為我喜歡做莊, 也喜歡有"嘢"揸手.

買樓計劃 2012

最近, 我經常瀏覽地產公司網頁, 睇下近期樓市有無進一步回落現象, 發現雖然樓市成交開始減少, 但係未出現大量減價出貨現象, 呢個就正正係因為之前政府的SSD政策出台, 令到炒家無嘢可做, 剩下的, 唔係有實力的老細, 就係自住人仕, 呢啲人一向都係持貨力較強的, 即係話, 就算個市跌,佢層樓無人要, 佢都唔會輕易減價出貨嗰隻囉... 咁又會點影響有錢人的買樓計劃呢??

做個有錢人之路~ 2012/02/01

今天是2012/02/01, 距離 "起步" (2010/04) 已過了21個月, 又是時候回顧我的 "有錢人之路"了. 我的財務現況: 

股票選擇與股票期權選擇 (二)

上回提到買股票的選擇分收息股同成長股, 買呢兩種類型的股票, 心態上係完全唔同嘅, 但對唔同人, 同一個時間對同一隻股票, 又或者係同一個人在不同時間對待同一隻股票都可以係唔同類型....以前的中移動同依家隻中移動就係一個好例子.

股票選擇與股票期權選擇

好多時有錢人跟朋友講起股票同股票期權的事, 都會感到朋友間對期權有一個錯覺, 就係講買得期權都係同 "賭"一樣. 其實我並不否認期權係有 "賭"的成份, 尤其是當你係用買大細的心態 "估"佢升定跌嘅時候, 呢個 "賭"的本質就出晒嚟. 而且, 最令人不安的是, 坊間有太多太多"專家"教大家用期權在短期裡賺大錢了.... 呢啲所謂"賺錢課程" 說到尾就是 "賺你錢課程", 個人認為大家完全唔洗上堂, 就算是買那些所謂 "期權攻略"、"圖表 xx" 的書, 都可以慳返唔洗睇, 如果呢啲嘢係得嘅, 比你, 仲會出書咩?! 

你身邊有無人因為賭可以發達? 馬會門口啲阿叔個個都好努力 "咪"書, "咪"報紙, 賭波賭馬六合彩樣樣精, 但又有幾多個人贏到錢呢? 贏到錢嘅, 大部份都係有能力喺馬會會所開P嗰啲朋友, 佢地的玩法, 係同大眾完全唔同的....

股票期權的按金變動

之前每次講起期權, 有錢人經常說:

有一樣嘢要記住, 股票期權等都是有槓桿作用的衍生工具, 其最大風險在於會於突變市況下對現金流的需求(按金)變大.... 所以, 投機於此不可以用救命錢, 只可以用多餘錢, 而且仲要計好有安全邊際先好參與, 否則, 好容易會車毀人亡....

買樓計劃 -做功課 ~ 銀行查詢

之前同大家分享了未完成的 "買車經驗", 今次唔係想繼續呢個話題, 因為有錢人一早已經同車行的朋友講左, 唔洗為有錢人急, 因為我根本唔會急於在農曆年之前買車揸, 即係話, 有錢人唔會因為節日效應胡亂消費; 同時間以有錢人的經驗, 通常有車想賣的人都會願意在農曆年之後減價出售, 始終過時過節, 有架車揸住去邊都方便啲.

但有錢人唔同, 我係諗住 "長揸"的, 所以可以等得, 等到有靚車加靚價先會出手, 反正我返工都唔會揸車 -油費又貴, 車場仲貴, 加加埋埋分分鐘貴過我日日搭的士返工, 搭公共交通工具訓下覺好過啦.

閱讀 - 馬雲管理思想大全集

最近, 經常看有關阿里巴巴主席馬雲的事跡, 也看有關他的言論, 大部份都是簡體字書, 很少看到繁體字, 或許是因為阿里巴巴在香港不夠 "那些年"出名以及馬雲也沒有柯景騰咁靚仔吧, 書局熱賣的, 都離不開蘋果與STEVE JOB; "那些年", 陳研希及柯震東...很少其他的名人人物傳記...

很多人都說馬雲是常講道, 好似傳道者, 其實又真係有點點似, 但看過這本書之後, 又會對馬雲的佈道有另一種體會. 有錢人在看完此書之後, 也十分認同他的管理以至行商理念. 也更相信自己買1688阿里巴巴是沒有錯的選擇!!

廢股/ 點穴股的賺錢方法

好多人買賣股票, 看重的就是其股息以及股價升值, 但是在過往的幾個年頭, 大部份的股票都係浮浮沉沉, 由其是大家熟悉的 2628中人壽, 941 中移動, 1398 工行...呢類型已經大大隻又好似無乜增長的股票, 一般都被所謂的 "投資者"拋棄, 也唱衰了十萬九千次了。

買車經驗分享 ~~~ 未完

有錢人其中一個短期目標, 就係要在今年之內, 搵到一架七人車; 所以近日發放消息予不同渠道, 希望能搵到架啱心水的車. 而有錢人心目中都以TOYOTA的車款為首選, 因為在香港TOYOTA的車款二手價一般較硬淨.

賴雀 (NIGERIA) 騙案分享 ~~ YAHOO BID!!

最近, 有錢人嘗試在YAHOO BID 放嘢賣, 點知遇到騙徙 ~~~ 他就是惡名昭彰的尼日利亞網上騙子...唉, 得啖笑

他們好多時向貴價貨埋手 (有時平嘢都殺), 大部份說自己是SCOTLAND人, 但要寄禮物比住在老尼的孩子喎...真係講都已經懷疑. 本來有錢人都只是心生懷疑, 但佢竟寄來一封假銀行電信, 唉, 咁就穿崩啦, 有錢人用入面的E-MAIL 一CHECK, 再加上電郵內容.....嘩, 騙徙手法差劣之餘, 卻好努力地用同一方法, 期望有一兩個"善心人"中招..... 在此, 有錢人介紹以下幾個WEB-SITE/ BLOG比大家引以為鑒:

http://www.wretch.cc/blog/sweetbone/31341276
http://hk.knowledge.yahoo.com/question/question?qid=7010011001969
http://beta.beautyexchange.com.hk/forums/viewthread.php?tid=432163
http://hk.knowledge.yahoo.com/question/question?qid=7009061002155
http://ireport.on.cc/p/b5/web/Detail.jsp?bid=14644

其實仲有好多....
數目之多, 令我心寒了一寒, 估唔到佢地咁"勤力搵錢"...

共勉之, 小心!!!

做個有錢人之路~ 2012/01/04

今天是2012/01/04, 距離 "起步" (2010/04) 已過了20個月, 又是時候回顧我的 "有錢人之路"了. 我的財務現況:

做個有錢人之路~ 2011年結

一年真係快過, 眨眼又老一年了...

生活經驗與投資價值 --- 續

上一篇文章提到, 有錢人為了送i-phone比有錢太太, 四出張羅有關資, 直接與 Smartone 及 pccw的服務員接觸查詢的經驗, 今次想紀錄後續的故事, 是純粹關於 Smartone的.

生活經驗與投資價值

Peter Lynch 曾經在其著作說過, 我們要找好的投資, 可以從我們的生活中發掘. 今天有錢人就想分享這方面的經驗與體驗.

股價波動與股票期權

大家買股票, 玩期權都會睇股票波動, 大家好多時都會覺得大籃籌無乜波動唔好玩, 其實咁先剛剛相反, 所謂悶聲發大財就係悶到你死悶到你怕, 但通常呢啲先係發過豬頭的好工具.

中電與阿里巴巴

最近, 兩電申請加電費應該都成為了城中其中一個熱話.

得勝率奇高, 但回報亦高的投機策略 (四)

上文提到, 竟然有供應商主動提出叫我地 放低 $10 做按金, 就比$15貨我地出街賣咁大隻蛤乸...

得勝率奇高, 但回報亦高的投機策略 (三)

之前兩篇文章都以 SC 作為基礎去計算, 其實, 在有錢人的實際經驗, 係唔會咁做嘅...

得勝率奇高, 但回報亦高的投機策略 (二)

之前一篇文章: "得勝率奇高, 但回報亦高的投機策略" 提到一個有90%月份賺到4%回報的股票期權投機方法.

有網友提到, 如果要預留有現金 ($4000)入貨, 回報率就只有 0.5% ($20/$4000), 不是有錢人所講的 4%. 因為我唔會咁做, 所以未有提到呢個問題, 真係唔該晒網友的提醒, 以下是一些保充.

得勝率奇高, 但回報亦高的投機策略

對於好多人來講, 回報超過20%已經算係高, 但係對於期權來講, 200%也是常事 (但風險當然也高), 所以, 很多人以為, 做期權買賣是一種很高風險的活動, 其實, 期權買賣都可以好低風險, 只是大家又有沒有努力地去搵過, 如何把風險降到最低?? 現在就跟大家分享這些方法.

行動勝於空談: < 陳強: 沒付出的愛不是愛 >

昨日看過一篇文章, 看時會心微笑, 看後自我反省...

用正確的心理面對衍生工具

坊間很多時都會聽到一些與衍生工具有關的新聞, 大都是負面的, 就好似說某某公司老闆因炒乜乜物物破產收場, 又或是甚麼甚麼人炒燶期指後點點點...

必賺的投資

如果有一項投資, 你不用知道基金經理用來做甚麼投資, 但是, 這個基金承諾, 每年最少有4%回報, 但一年只派一次息, 你可以在派息時連本帶利一次提走, 又或是只提走派息, 甚或是本息都一併保留以作明年的本金, 如果在該年內要提走資金, 當年的派息就沒有了, 但無需比手續費, 而每年, 基金會有一份報告告訴你, 投資過甚麼, 總回報是多少.

貪字得個貧!!

有錢人是一個平凡人, 總離不開七情六慾 ~~ 其中最容易令有錢中招的, 就是 "貪", 故此, 我要在此記錄自己的憨居事 , 而且, 又是一次很貴課堂.

話說有錢人的"期權必勝法"實驗到第二個月, 雖然波幅不少令到利潤不多, 但到月尾都有幾百點, 點知有錢人見到其中有兩張期權無端端出現百多點的錯價, 心想, 無端端有錢搵?!  二話不說, 即時為呢兩張期權落單, 問題來了...因為是末日期的關係, 其中一單交易完成, 但是另一個交易卻完成不了.... 之前已DEAL的又無得CUT, 另一張又無得入.... 就係咁到最後白白無左成兩百點....真係要爆粗講句 "X街杏加橙", 同埋鬧自己"憨X狗狗"...唉...

這一堂的主題是 "貪字得個貧", 以後有錢人會學乖了, 已經計好數有錢落袋係幾多就幾多, 真係唔好貪小便宜...

做個有錢人之路~ 2011/12/01

今天是2011/12/01, 距離 "起步" (2010/04) 已過了19個月, 又是時候回顧我的 "有錢人之路"了. 我的財務現況:

不是你賺的錢不要去賺 (二)

還記得今年2月, 寫過一篇"不是你賺的錢不要去賺 "; 有錢人時常告誡自己這一條金科玉律, 所以, 每次有錢人見到其他朋友投資買賣股票期權樓宇鋪位做生意賺到錢,甚至賺大錢 我學會不去妒嫉, 反而會欣賞對方及請教對方賺錢心得, 如果你不恥下問, 對方通常都會如實相授其心得, 互相交流又會發現一同進步的空間.

Benjamin Graham 經常跟學生講, " Do what I tell you, not follow what I do" ~~ 因為每個人都會有盲點, 就算強如巴老都有錯誤時. 我們這些平凡散戶更不用怕做錯, 也不需怕認錯, 最重要, 在投資路上, 找到對自己最有利的 "工具" ~~ 有些人 "長期投資"特別叻, 有些人短炒叻啲, 有些人物業投資好強, 但有些卻是期權高手.

有錢人乜嘢叻?? 自問是計數同埋做懶人, 我經常同身邊的人講, 自己是一個好勤力的懶人, 所以時常找一些"懶惰泌方", 省時方便但效果相約正是吾之所想! 但相反地睇, 我時常都衰於計得太盡, 每每有意外時不容易 "U-TURNS"... 故此, 未來的學習方向是做更多 "safety margin", 寧可賺少, 甚至不賺都不能去得太盡情而忘形.

借入短債的原因

上一章 "借入短債", 提及我如何"推倒"不借的理由, 但沒有道出我為何咁有心要借短債. 老實說, 今次呢筆短債對我來講並不是大錢, 而當中有關的利息更是不足理會, 真係食餐好少少都去左. 但我都堅持要去試, 因為我想測試自己的 "心理容量" 以及自己的 "短債投資理論":

1. 借短債"投機"是要很小心 (很感謝止凡兄的提醒), 就如很多投資大師所言, 投資需要做功課, 投機也需要做足功課;

2. 只要時間夠長, 投機是也可以一個好的長期"投資", 只是短期波動看似比長期投資為大, 這是對資金穩定性的風險所在, 但更是對人心穩定性的風險;

3. 在足夠的資金護航下, 散戶可以不停用短債做投機, 以換取長期投資的回報 (當中當然有很多的安排及計算)

4. 因為短債操作看似有時間的限制去定輸贏, 所以感覺很刺激 (但如果用第3點的看法操作, 這其實是沒有時限的 ~ 很矛盾啊)

所以我用自己的時間及金錢去做 "實驗", 成功的話我會繼續慢慢加強其運作模式, 增加自己的賺錢能力, 就算失敗了, 起碼我又學懂多一條不成功的路.

要在這裡表明, 我不建議大家盲目借貸投資, 否則就是 "投運"; 我更建議大家必須要先照顧自己的日常生活經濟財務, 所可以真金白銀去投資/ 投機.

借入短債

最近有錢人做多了一筆新的借貸, 貸款的用途當然不是消費性的吧, 我是以此作投資/ 投機用途的.

相見好, 同住難 ~ KM的故事

人生好多時有好多選擇, 大家有時會選擇得好, 但有時又會選錯了, 但無論對與錯, 我們都要面對, 反省, 從新思考, 再選擇, 行動.....

甚麼是逢低必買?

投資人很多時都會聽到:  "逄低必買""低買高賣"等說話, 但是, 為何要 "逄低"才"必買"? 會不會"越溝越低"呢?

如何的價位才是 "低", 怎樣才算是"高", 對不同的人就有不同的體會

無錢人細手自製ACCUMULATOR同 DECUMULATOR

琴日 (11/02) 篇文章提到 "自製ACCUMULATOR 及 自製DECUMULATOR " , 有錢人就以身作則幫自己製左一個 ACCUMULATOR 及一個DECUMULATOR:

自製ACCUMULATOR 及 自製DECUMULATOR

有人說, ACCUMULATOR 就係 "I KILL U LATER"; 其實呢類衍生工具係唔係咁可怕呢? 曾經, 有錢人道聽途說都覺得有點得人驚, 但係我更明白好多時最可怕同最可笑唔係要死, 而係你知道有機會死但唔知點解要死同點樣死, 自己嚇死自己之餘仲嚇埋你身邊的人 ~~~ 呢個即係 "無知最可怕"!!

給孩子的信 (五) ~~ 2011/11/01

親愛的孩子:

轉眼間, 你已經開始上學了 ~~~ 雖然只是幼兒基礎班, 而且學費又不便宜, 但看到你的生活, 你的快樂, 你的進步, 為父覺得這是值得. 每一天見到你起來的時間, 都是笑著的, 上學的時候又是笑著的, 我下班見到你也是笑著的, 我相信我和媽媽對你的期望 - 健康快樂地成長, 做一個有用的人, 一定可以做到。

負資產數字大升, 那又如何?!

今日見報, 有提及負資產數量在第三季急升33倍, 但同時間, 又聽到有說發展商賣樓反應不俗, 更說因為有新樓賣, 令到二手樓交投淡静云云...

做個有錢人之路~ 2011/11/101

今天是2011/11/01, 距離 "起步" (2010/04) 已過了18個月, 又是時候回顧我的 "有錢人之路"了. 我的財務現況:

歐洲巴菲特投資賺錢策略

《歐洲巴菲特投資賺錢策略》- 柏竇 薜佛

本書作者為《7年賺到1500萬》同一作者.

恆指期權必勝法 (二)

上期 (指期權必勝法 (一) ) 提到我今個月開始計劃, 其實我仲未真正開始, 因為我無咁多CASH, 但就係因為自己無咁多CASH, 只可以小試牛刀玩兩手, 所以避開了132個月入面12次輸的其中一次....今次輸錢額仲係有第三高, 而我都只係擦損左隻手指姐....

十月, 由月頭18000點, 跌落16200點, 到結算的20000點, 前後四千點波幅.... 好彩好彩....

投資的錢一定要係閒錢, 投機的錢, 更加一定要係閒中之閒, 因為投錯機就好易會無晒....

恆指期權必勝法 (一)

今個月頭, 有錢人提及到自己研究緊一套 "恆指期權必勝法", 在今個月裡面, 我就用自己的實戰買賣做實驗.

首先, 好簡單咁講下呢套所謂 "必勝法" 有幾巴閉..... 就係有90%機會賺錢, 呢個比例是從最近十一年的恆指走勢做分析的.... 當中經歷了科網爆破, 911, 美軍打阿富汗,依拉克, 沙士, 董建華腳痛, 自由行啟動, 港股直通車偷步然後胎死腹中, 有錢人結婚及生仔, 兩次選特首, 金融海嘯, 次按風暴, QE1 + QE2, 阿爺四萬億救命, QFII, CEPA.....

做個有錢人 - 同路人的重要

有錢人在這個blog入面有時候都會提及家人, 其中, 有錢太太算是出鏡率最高的一位, 其中一個原因, 是她在我生命裡/ 生活裡的重要性, 是不下於我父母的.

『生我者父母 知我者鮑叔』

非人者必有以易之

墨子 - 《兼愛下》

非人者必有以易之，若非人者而無以易之，
譬之猶以火救水也，其說將必無可矣。


否定別人意見及做法的時間, 一定要有更好的意見提出, 如果否定別人的時候卻拿不出更好的見解取代, 就好像用火去救水, 必定得不到認同.

有時候, 有錢人都會自己反省, 自己在跟其他人相處時, 可能都會犯了此低等錯誤, 當然,在網上發現此等情況更甚... 因為你可以用 "匿名"... 君不見多少出名的BLOGGER 都因為不同種類多多少少長年累月的無聊挑釁停發文章. 可想而知, 這種行為是如何有破壞力.

古時的聖言早已看破問題, 亦道出問題, 以警示世人, 這是智慧, 不是知識, 不會隨年月消失, 不會因科技而改變或煙滅; 這也是為何我們要早讀古聖言文學 (無論中西方).

四書, 五經, 墨子, 道德經, 甚至三字經, 弟子規.......這些哲學以至做人做事的古文學, 都是我們應該閱讀背誦以至融會貫通.

如果突然有一千萬比我...我會...?!

有錢人常常說要有一千萬資產"退休", 然而, 如果突然有一千萬比我... 我是否又會即時同老闆講 bye bye 然後休哉游哉乜都唔做?

有錢人有時都會以這個題目跟有錢太太討論.... 這是有關錢的問題, 也是有關人生的問題.

說到做到 - 開始盈富操作基金

在上個月有錢人出了一文 "有錢人要退休 - 原來就是這麼簡單?? ~~ 2800 盈富基金 ", 即時已經身體力行, 開始 "月供"盈富基金, 卻展開 "機械式操作" ~~~ 其實好簡單: 就是每個月月尾都睇住其息率, 然後按 "守則" 操作;

愚公移山

【愚公移山】

做個有錢人之路~ 2011/10/10

今天是2011/10/10, 距離 "起步" (2010/04) 已過了17個月, 又是時候回顧我的 "有錢人之路"了. 我的財務現況: